नेपाल सरकार
गृह मन्त्रालय
जिल्ला प्रशासन कार्यालय,
काठमाण्डौ


  कार्यालयको परिचय र उद्देश्य

जिल्ला प्रशासन कार्यालको परिचय :
             २००७ सालमा प्रजातन्त्रको प्रादुर्भाव पश्चात् चुस्त एव विकेन्द्रित प्रशासनको आवश्यकता महशुश गरी वडा हाकीमहरुको नियुक्ति गरेको पाइन्छ । सोही वखत काठमाडौ उपत्यका कमिश्नर मेजिष्ट्रेट ऐन, मधेश गोश्वरा ऐन, सामान्य प्रशासन र प्रहरी ऐनहरु निर्माण भएका थिए । यसै क्रममा गढी, गौडा र गोश्वाराको रुपमा गृह प्रशासनको कार्य संचालन भएको थियो । नेपालको संविधान २०१९ अनुसार नेपाललाई १४ अंचल, ७५ जिल्ला र ५ विकास क्षेत्रमा विभाजन गरियो । स्थानीय प्रशासनलाई विकेन्द्रित प्रशासन व्यवस्था अनुरुप संचालन गर्न तथा शान्ति र व्यवस्थालाई प्रभावकारी रुपमा संचालन गर्न स्थानीय प्रशासन ऐन, २०२८ लागू गरियो । उक्त ऐनको दफा ५ ले जिल्लाको सामान्य प्रशासन संचालन गर्न प्रत्येक जिल्लामा एउटा जिल्ला प्रशासन कार्यालय रहने व्यवस्था गरे अनुसार काठमाडौँ जिल्लामा पनि जिल्ला प्रशासन कार्यालयको स्थापना भएको हो । हाल यसको कार्यालय बबरमहलमा रहेको छ ।

जिल्ला प्रशासन कार्यालयको उद्देश्य :
             जिल्लामा शान्ति सुव्यवस्था र सुरक्षा कायम गरी जनताको जिउ, धनको संरक्षण गर्नु जिल्ला प्रशासन कार्यालयको प्रमुख उद्देश्य रही आएको छ । यसका साथै जिल्लामा नेपाल सरकारको प्रतिनिधिको रुपमा रही सार्वजनिक सेवा वितरण (Public Service Delivery) लाई प्रभावकारी बनाई सुशासनको प्रत्याभूति गर्ने समेतका उद्देश्यहरु रहेका छन् ।

  • Print भएर अाइसकेकाे MRP हेर्नकाे लागि Click । २०७५-१-२०

    निम्न उल्लेखित मिति सम्मको राहदानी  (MRP) तयार भई आईसकेको हुंदा राहदानी शाखा (काेठा नं १०७ काे झ्याल घ) मा निम्न कागजातहरू अनिवार्य रुपमा साथमा लिएर सम्पर्क गर्नुहुन अनुरोध गरिएको छ । कार्य व्यस्तताकाे कारण राहदानी वितरण समय विहान १०:०० देखि दिउसाे १ वजे सम्म मात्र कायम गरिएकाे व्यहाेरा जानकारीकाे लागि अनुराेध छ । राहदानी लिनकाे लागि अावश्यक कागजपत्रहरू १. पुरानाे राहदानी भए अनिवार्य पेश गर्नुपर्ने । २. बैक भाैचर । ३.सक्कल नागरिकता वा नाबालक परिचय पत्र सहित सम्बन्धित व्यक्ति । ४. List काे Lot no. र Serial Number टिपेर अाउनुहाेला। राहदानी बितरण समय :  विहान १०:१५ बजे  देखि दिउसो १.००…

  • विश्वकप २०१८ सम्बन्धी सूचना २०७५-२-२८

    आगामी विश्वकप २०१८ का खेलहरु क्लब, संघ, संस्था तथा निजी व्यवसायीहरुले आ–आफ्नो परिसर, प्रतिष्ठानमा मनोरञ्जनको लागि प्रदर्शन गर्ने सन्दर्भमा निम्न लिखित शर्तहरुको अधिनमा रहेर मात्र प्रदर्शन गर्ने गराउने गरी सर्वसाधारणको जानकारीको लागि यो सूचना प्रकाशित गरिएको छ । खेलहरुको प्रदर्शन आफ्नो परिसरभित्र मात्र गर्न पाउने । प्रदर्शन स्थलमा कुनै प्रकारको प्रवेश शुल्क लगाउन नपाइने । खेलको हार जित लगायतका विषयलाई लिएर कुनै पनि प्रकारको निषेधित जुवा, सट्टेबाजी, लगानी, कारोबार आदि गर्न गराउन, खेल खेलाउन नपाइने । सार्वजनिक स्थलमा गरिने प्रदर्शनका हकमा मादक पदार्थ खरिद, बिक्रि, ओसार–पोसार तथा सेवन गर्न गराउन नपाइने । निजी व्यवसाय/प्रतिष्ठानका हकमा खेलको विषयलाई समेत लिएर हुन…

  • सार्वजनिक कार्यक्रम तथा प्रदर्शन स्थल सम्बन्धी २०७५-१-१३

    यस कार्यालयबाट मिति २०७५।०१।०२ गते प्रकाशित "सार्वजनिक कार्यक्रम तथा प्रदर्शनस्थल" तोकेको सम्बन्धी सूचनाको बारेमा सबै सरोकारवालाहरूलाई जानकारी भएकै छ । उक्त सूचनामा उल्लेख भएका प्रदर्शन स्थलहरूको सम्बन्धमा आवश्यक तयारी गर्न केही समय लाग्ने देखिएकोले उक्त सूचनामा उल्लेखित मिति २०७५।०१।१६ गतेको सट्टा मिति २०७५।०३।०१ गतेदेखि लागु हुने गरि कार्यान्वयन गर्ने निर्णय भएकोले सम्बन्धित सबै सरोकारवालाहरूको जानकारीको लागि यो सूचना प्रकाशित गरिएको छ । मिति : २०७५।०१।१३                                                                      प्र.जि.अ.…

  • कार्यालय प्रमुख बैठकको निर्णय २०७५-१-५

    मिति २०७५/०१/०५ गतेका दिन श्रीमान् प्रमुख जिल्ला अधिकारी श्री केदारनाथ शर्माज्यूको अध्यक्षतामा जिल्ला स्थित कार्यालयका कार्यालय प्रमुखहरूको मासिक नियमित बैठक बसी निम्नानुसार निर्णय गरियो । निर्णयहरू : १.      कार्यालयहरूको सेवा प्रवाहमा थप सदाचारीता कायम गर्न कार्यालय प्रमुखले बिशेष नेतृत्व लिने निर्णय गरियो । २.      महिनाको ४ गते ३ बजे जिल्ला स्थित सम्पुर्ण कार्यालयका सूचना अधिकारीलाई कार्यालय प्रमुखज्यूहरुले अनिवार्य रुपमा उपस्थित गराउने । ३.      जग्गा अतिक्रमण भएको भनी किटानी साथ उल्लेख भएका सार्वजनिक जग्गाहरूको सम्बन्धमा अतिक्रमण रोक्न सम्बन्धित नगरपालिकाहरूले अविलम्व आवस्यक पहलकदमी गर्ने गराउने निर्णय गरियो ।

  • सार्वजनिक कार्यक्रम तथा प्रदर्शन स्थल सम्बन्धमा २०७५-१-२

    हालै मात्र गृह मन्त्रालयद्वारा जारी गरिएको गृह प्रशासन सुधार कार्ययोजनाको बुंदा नं ३१ मा उल्लेखित विरोध प्रदर्शनका लागि निश्चित स्थल तोकी तोकिएको स्थानमा मात्र विरोध प्रदर्शन गर्न पाउने ब्यबस्था कार्यान्वयन गर्ने सम्बन्धमा जिल्ला सुरक्षा समितिको मिति २०७४।१२।३० गते बसेको बैठकबाट यस जिल्लामा २०७५ बैशाख १६ गतेदेखि लागु हुने गरी हाललाई तपसिल बमोजिमका स्थानहरूलाई "सार्वजनिक कार्यक्रम तथा प्रदर्शन स्थल" को रुपमा तोक्ने निर्णय भएकोले सम्पुर्ण सरोकारवालाको जानकारीको लागि यो सूचना प्रकाशित गरिएको छ । मिति २०७५ बैशाख १६ गतेदेखि तोकिएको स्थानमा मात्र आफ्ना कार्यक्रमहरू संचालन गर्नु गराउनु हुन सम्बन्धित सबैलाई जानकारी गराईन्छ । तपसिल क)  खुलामञ्च ख) तिनकुने खुल्ला चौर, कोटेश्वर…

  • कार्यालय प्रमुख बैठकको निर्णय २०७४-१२-८

    मिति २०७४/१२/०५ गतेका दिन श्रीमान् प्रमुख जिल्ला अधिकारी श्री केदारनाथ शर्माज्यूको अध्यक्षतामा जिल्ला स्थित कार्यालयका कार्यालय प्रमुखहरूको मासिक नियमित बैठक बसी निम्नानुसार निर्णय गरियो । निर्णयहरू १.  जिल्ला तथ्यांक कार्यालय, काठमाण्डौंको अनुसार प्रथम राष्ट्रिय आर्थिक गणनाको लागि २८७ जना गणक र ४१ जना सुपरिवेक्षक आवश्यक पर्ने देखिएकोले प्रत्येक नगरपालिकाले कम्तीमा १ जना सुपरिवेक्षक र उपलब्ध गराउन सकिने सम्मको गणक संख्याको नाम नामेसी विवरण २०७४।१२।०९ गते सम्ममा जिल्ला प्रशासन कार्यालयमा उपलब्ध गराउने । २.    मिति २०७४।१२।२३ मा सम्पन्न हुन गईरहेको स्थायी शिक्षक परिक्षाको लागि आवश्यक पर्ने जनशक्ति जिल्ला शिक्षा कार्यालयबाट माग भए बमोजिम जिल्ला प्रशासन कार्यालयले ब्यवस्थापन गरिदिने । उपलब्ध…

  • सूचना २०७४-११-८

                काठमाण्डौ जिल्लाको सुरक्षा संवेदनशीलतालाई दृष्टिगत गरी यस पूर्व जिल्ला सुरक्षा समितिबाट समय समयमा तोकिएको निषेधित क्षेत्र समेतलाई पूनरावलोकन गरी काठमाण्डौ जिल्ला, काठमाण्डौ महानगरपालिकाका देहायका स्थानहरुमा जिल्ला सुरक्षा समितिको मिति २०७४/११/८ गतेको सिफारिश तथा स्थानीय प्रशासन ऐन, २०२८ को दफा ६(३) बमोजिम अर्को आदेश नभए सम्मको लागि काठमाण्डौ जिल्लाका प्रमुख जिल्ला अधिकारी श्री केदारनाथ शर्माबाट कुनै पनि किसिमका जुलुश, प्रदर्शन, धर्ना, घेराउ, जस्ता आन्दोलन वा बिरोधका कार्यक्रमहरू गर्न नपाउने गरी निषेधित क्षेत्र तोक्ने आदेश भएकोले सम्बन्धित सबैको जानकारीको लागि यो सूचना प्रकाशित गरिएको छ । निषेधित क्षेत्र तोकिएका स्थानहरु १.      शितल निवासको निषेधित क्षेत्र पुर्व : शिवपुरी स्कूल पश्चिम :…

  • बार्षीक प्रतिवेदन २०७३/२०७४ २०७४-४-१०

    बार्षीक प्रतिवेदन २०७३/२०७४

  • राहदानी वितरण समय निर्धारण गरिएकाे --

    अान्तरिक कार्यव्यस्तताकाे कारण राहदानी (MRP) वितरण समय विहानकाे १०:०० बजे देखि १:०० बजे सम्म कायम गरिएकाे व्यहाेरा अनुराेध छ।

  • जिल्ला प्रशासन कार्यालय काठमाडौंको Faceebook page २०७१-८-८

    यस कार्यालयबाट सुचनाहरुको सरल आदान प्रदान गर्ने उद्देश्यका साथ जिल्ला प्रशासन कार्यालयको Facebook Page www.facebook.com/daokathmandu संचालन गरिएको ब्यहोरा जानकारी गराईन्छ । जिल्ला प्रशासन कार्यालय सम्बन्धी ताजा Update को लागी यस कार्यालयको Facebook Page www.facebook.com/daokathmandu Like गर्नुहुन अनुरोध गरिएको छ । 

  • मिति २०७१-०८-०७ देखि HELP DESK सँचालन २०७१-८-७

    मिति २०७१-०८-०७ देखि यस कार्यालयमा आउनुहुने सेबाग्राहिको सुबिधाको लागि CITIZEN HELP DESK सँचालन गरिएको हुंदा यहांबाट प्रदान गरिने सेवा सम्बन्धी सोधपुछ तथा अन्य जानकारीको लागी CITIZEN HELP DESK मा सम्पर्क राख्नुहुन अनुरोध ।



© सर्वाधिकार सुरक्षित गृह मन्त्रालय